د ایران د بهرنیو چارو وزارت ویاند اسماعیل بقايي اعلان کړی چې د پاکستان د پوځ مشر عاصم منیر به د دوشنبې په ورځ د یوه رسمي پلاوي په مشرۍ تهران ته سفر وکړي.
د بقايي په وینا، دغه سفر د ایران او پاکستان ترمنځ د دوهاړخیزو همکاریو د پیاوړتیا او په سیمه کې د سولې او امنیت د ټینګښت لپاره د پاکستان د هڅو د دوام په موخه ترسره کېږي.
د پاکستان د پوځ مشر به د خپل سفر پر مهال د ایران له لوړپوړو چارواکو سره لیدنې او خبرې وکړي.
تر اوسه د عاصم منیر د لیدنو د اجنډا او د دې سفر پر مهال د بحث کېدونکو موضوعاتو په اړه نور جزیات نه دي ورکړل شوي.
