د ایران د قضائیه قوې مشر ویلي، د پخواني رهبر علي خامنهیي د جنازې په مراسمو کې د حکومت د پلویانو پراخ ګډون د اسلامي جمهوریت د ملاتړ «ټولپوښتنه» وه.
هغه ادعا کړې چې د جنازې په مراسمو کې د خلکو حضور د ایران د نظام لپاره د ولس د ملاتړ څرګندونه کوي.
په مقابل کې، د اسلامي جمهوریت مخالفان وایي حکومت هغوی ته د سولهییزو لاریونونو او اعتراضونو اجازه نه ورکوي، خو د دوی په وینا، سره له امنیتي فشارونو او د نیول کېدو له خطر سره، مخالفان څو ځله سړکونو ته راوتلي او د حکومت پر ضد یې شعارونه ورکړي دي.
یو شمېر سیاسي شنونکي بیا باور لري چې «د سړک ټولپوښتنه» حقوقي او سیاسي مفهوم نه لري او د مشروع ټولپوښتنې لپاره د رایو صندوق، ټاکلې قانوني کړنلاره او د رایې ورکولو شفاف بهیر ضروري دی.
د دغو شنونکو په اند، په دولتي مراسمو کې ګډون یا د لاریونونو شمېر په یوازې ځان د یوه حکومت د مشروعیت یا د ولس د عمومي نظر د معلومولو معیار نه شي کېدای.
دا څرګندونې په داسې حال کې مطرح کېږي چې د ایران دننه د حکومت د مشروعیت، د خلکو د ملاتړ او د سیاسي مخالفانو د فعالیتونو په اړه بحثونه لا هم دوام لري.
