حماس اعلان کړی چې د غزې تړانګې یو اوسېدونکی یې د اسرائیل په ګټه د همکارۍ په تور اعدام کړی دی.
دې ډلې ادعا کړې چې اعدام شوی کس اسرائیل ته د معلوماتو په لېږد کې ښکېل و او د حماس د یو شمېر لوړپوړو قوماندانانو، له هغې ډلې د دې ډلې د پوځي څانګې د قوماندان عزالدین حداد، په وژل کېدو کې یې رول درلود.
حماس په خپله خبرپاڼه کې ویلي چې دغه کس د دې ډلې د قوماندانانو او فعالیتونو په اړه معلومات اسرائیل ته سپارلي او د حماس د لوړپوړو غړو پر ضد یې د هدفي عملیاتو په ترسره کولو کې مرسته کړې ده.
تر اوسه اسرائیلي چارواکو د حماس د دغو ادعاوو په اړه څه نه دي ویلي او د اعدام شوي کس د هویت یا د هغه د قضیې د بهیر په اړه هم نور جزئیات نه دي خپاره شوي.
