د طالبانو د عدلیې وزارت اعلان کړی چې د کابل ښار د شپاړسمې ناحیې اړوند الوخېل سیمه کې ۸۴۱.۲۵۴ جریبه ځمکه د ځانګړې محکمې د شرعي حکم پر بنسټ امارتي ملکیت تثبیت شوې ده.
د دې وزارت په وینا، دا پرېکړه د اسنادو او شرعي ارزونې له بشپړېدو وروسته شوې ده.
طالب چارواکي وایي چې یاده ځمکه د دولت اړوند تثبیت شوې او له دې وروسته به د امارتي ملکیت په توګه پېژندل کېږي.
دا اقدام په داسې حال کې کېږي چې طالبانو تر دې وړاندې هم د ځمکو د غصب د مخنیوي او د لانجمنو ملکیتونو د بیا ارزونې تر نوم لاندې ورته پرېکړې کړې دي.
خو د ځمکو د ملکیت دا ډول پرېکړې پرلهپسې د شفافیت، د ملکیت حقونو او د اغېزمنو اوسېدونکو د برخلیک په اړه بحثونه راپارولي دي.
د الوخېل د دې نوې دوسیې اعلان هم ښايي د ځمکو د حقوقي وضعیت او راتلونکو شخړو په اړه نوې اندېښنې زیاتې کړي.
