پاپ لئو څوارلسم ویلي چې د امریکا د ولسمشر ډونالډ ټرمپ له نیوکو څخه وېره نه لري او د جګړې پر ضد خپل دریځ به بدل نه کړي.
هغه له خبریالانو سره په خبرو کې ټینګار کړی چې د انجیل پیغام خپرول د کلیسا اصلي دنده ده او له دې ماموریت څخه به شا ته نه شي.
پاپ زیاته کړې چې د هغه خبرې د کوم شخص پر ضد نه دي، بلکې د سولې او پخلاینې د هڅولو لپاره دي.
هغه له خلکو غوښتنه کړې چې د تاوتریخوالي پر ځای د سولې لارې ولټوي او د جګړې مخه ونیسي.
دا څرګندونې وروسته له هغې شوې چې ټرمپ د پاپ پر دریځ سختې نیوکې کړې او هغه یې د بهرني سیاست په برخه کې ناسم بللی و.
شنونکي وایي چې دا تبادله د کلیسا د اخلاقي دریځ او د امریکا د سیاسي تګلارې ترمنځ څرګند واټن ښيي، په ځانګړي ډول د جګړې او سولې په موضوع کې.
نیمروز ټلویزیون؛ د افغانستان او نړۍ د کره، باوري او تحلیلي خبرونو خپلواکه سرچینه.