د عراق د وسلهوالو ځواکونو د قوماندان ویاند ټینګار کړی چې بغداد به اجازه ور نه کړي څو د دغه هېواد خاوره د نورو هېوادونو پر ضد د بریدونو لپاره وکارول شي.
دغه عراقي چارواکي ویلي چې د عراق حکومت د ملي حاکمیت پر ساتنې او د نورو پر ضد د خپل خاورې د پوځي استعمال د مخنیوي ټینګار کوي.
د عراقي چارواکو دغه څرګندونې داسې مهال مطرح کېږي چې په وروستیو اونیو کې په منځني ختیځ کې تاوتریخوالی په څرګند ډول زیات شوی دی.
شنونکي وایي، عراق هڅه کوي د سیمهییزو او نړیوالو قدرتونو ترمنځ د بحران او مستقیمې جګړې له کش کېدو څخه ځان وساتي.
عراق په تېرو کلونو کې څو ځله د خپل جغرافیایي موقعیت او د بېلابېلو وسلهوالو ډلو د حضور له امله د سیمهییزو کړکېچونو په مرکز بدل شوی دی.
کارپوهان باور لري چې بغداد اندېښنه لري د ایران، امریکا او اسرائیلو ترمنځ د شخړو زیاتوالی به یو ځل بیا دغه هېواد د نیابتي جګړو او سیالیو پر ډګر بدل کړي.
