پاکستان له طالبانو سره د خبرو لپاره عملي اقدامات شرط کړل
د پاکستان د بهرنیو چارو وزارت ویاند طاهر اندرابي وايي، اسلاماباد له طالبانو سره د دولت په کچه د ترهګرۍ پر ضد خبرو ته چمتو دی، خو هر ډول خبرې باید له عملي اقداماتو سره ملې وي.
د هغه په وینا، یوازې تضمینونه او ژمنې بسنه نه کوي او طالبان باید ډاډ ورکړي چې د افغانستان خاوره به د پاکستان پر ضد د ترهګریزو فعالیتونو لپاره نه کارول کېږي.
دا دریځ وروسته له هغې مطرح شوی چې د طالبانو د کورنیو چارو وزیر سراجالدین حقاني د دواړو لورو ترمنځ د خبرو لپاره د یوه ګډ میکانیزم د جوړولو غوښتنه کړې وه.
د افغانستان له خاورې د پاکستان ضد وسلهوالو فعالیتونو موضوع د کابل او اسلاماباد ترمنځ د وروستیو کلونو د ترینګلتیا له مهمو لاملونو څخه ده. پاکستان پر طالبانو تور لګوي چې د تحریک طالبان پاکستان د فعالیتونو مخه یې نه ده نیولې؛ خو طالبان دا تور ردوي.
د نیمروز د ارزونې له مخې، د پاکستان تازه دریځ ښيي چې اسلاماباد غواړي د سیاسي ژمنو پر ځای د هغو اقداماتو پایلې وویني چې په عملي توګه ارزول کېدای شي.
#تلویزیون_نیمروز #پاکستان #طالبان #افغانستان #امنیت
