د امریکا ولسمشر ډونالډ ټرمپ هغه ادعاوې رد کړې چې ګواکې اسرائیل امریکا له ایران سره جګړې ته هڅولې ده.
هغه په خپل ټولنیز پیغام کې ویلي چې دا پرېکړه د امنیتي اندېښنو پر بنسټ شوې او هېڅ بهرني فشار پکې نه و.
ټرمپ ټینګار کړی چې د ۲۰۲۳ کال د اکتوبر اوومې پېښې د هغه باور نور هم پیاوړی کړی چې ایران باید اټومي وسلو ته لاسرسی ونه لري.
په همدې حال کې، اسرائیل ایران د دغو بریدونو په ملاتړ تورن کړی، خو تهران دا تورونه رد کړي دي.
د ټرمپ دا څرګندونې داسې مهال کېږي چې د ایران پر وړاندې د جګړې په اړه د امریکا دننه نیوکې زیاتې شوې دي.
منتقدان وایي چې د دې جګړې موخې روښانه نه دي او ځینې دا د اسرائیلو له ګټو سره تړلې بولي.
په مقابل کې، امریکایي چارواکي د ایران اټومي او توغندیز پروګرام جدي ګواښ ګڼي، خو ځینې شنونکي دا ارزونه تر پوښتنې لاندې راولي.
