د فرانسې ولسمشر امانوئل مکرون ویلي چې د ایران اړوند روانو مذاکراتو په ترڅ کې له سعودي عربستان د ولیعهد محمد بن سلمان سره په نږدې تماس کې دی.
مکرون په یوه پیغام کې ویلي چې له سعودي ولیعهد سره یې د خبرو پر مهال د اوربند ملاتړ کړی او غوښتنه یې کړې چې دا توافق باید بشپړ عملي او ژر تر ژره لبنان ته هم وغځول شي.
هغه همداراز د هرمز تنګي له لارې د کښتيو د بشپړې آزادۍ او امنیت پر بیا ټینګښت ټینګار کړی دی.
مکرون زیاته کړې چې د اسلامآباد د مذاکراتو له پیل سره، پاریس او ریاض هوکړه کړې چې د تاوتریخوالي د کمولو، د سمندري لارو د خونديتوب او د دوامدارې سولې د ترلاسه کولو لپاره به خپل تماسونه دوامداره وساتي.
