د جرمني د زاکسن انهالت ايالت کې يوې ټکان ورکوونکې جنايي پېښې د خلکو او رسنيو پراخ غبرګونونه راپارولي دي.
د بيلد ورځپاڼې د راپور له مخې، يوه ۲۲ کلنه نجلۍ د خپلې عاطفي اړيکې له پای ته رسېدو وروسته نور نه غوښتل چې له خپل پخواني ملګري سره وګوري.
خو دغه ۲۳ کلن افغان ځوان د ستوني د سرطان د ناروغۍ ادعا او د «وروستۍ ليدنې» غوښتنې په پلمه هغه قانع کړه چې يو ځل بيا ورسره وګوري.
د جرمني رسنيو د راپورونو له مخې، دغه ليدنه وروسته په تاوتريخوالي بدله شوه او ځوان د يوه پنسل په وسيله د نجلۍ پر غاړه بريد وکړ.
اوس د جرمني محکمې د دغه ځوان پر وړاندې درنه سزا صادره کړې ده.
د سزا د اندازې او د بريد دقيق انګېزې په اړه تر اوسه بشپړ جزئيات نه دي خپاره شوي، خو دې قضیې د جرمني په رسنيو او ټولنيزو شبکو کې پراخ انعکاس موندلی دی.
ډېرو کاروونکو او ټولنيزو فعالانو دغه پېښه په عاطفي اړيکو کې د تاوتريخوالي يو خبرداری بللی او د جلا کېدو وروسته د ګواښونو، د ښځو د خونديتوب او د کورني او عاطفي تاوتريخوالي د قربانيانو د ملاتړ پر اړتیا يې ټينګار کړی دی.
دغه قضيه يو ځل بيا په جرمني کې د ښځو د امنيت، په شخصي اړيکو کې د تاوتريخوالي د کنټرول او د ملاتړو بنسټونو د رول په اړه بحثونه تاوده کړي دي.
