د رویترز خبریال راپور ورکړی چې د ایران او امریکا ترمنځ مستقیم مذاکرات له دوه ساعتونو وروسته د لنډې وقفې لپاره درول شوي دي.
د راپور له مخې، د دواړو هېوادونو لوړپوړو استازو د درېاړخیزو خبرو وروسته چې د پاکستان استازي هم پکې حاضر وو، د استراحت لپاره د غونډې تالار پرېښی دی.
د امریکا له لوري جیډي ونس، سټیو ویتکاف او جرد کوشنر په خبرو کې برخه اخیستې وه، او د ایران له لوري محمدباقر قالیباف او عباس عراقچي ګډون درلود.
ویل کېږي چې دغه درېاړخیز مذاکرات به له وقفې وروسته بیا پیل شي، خو تر اوسه د خبرو د پرمختګ په اړه جزییات نه دي ورکړل شوي.
