جبهه آزادی افغانستان وایي چې د بدخشان ولایت د زیباک ولسوالۍ کې د دې جبهې او طالبانو ترمنځ سخته نښته د څو ساعتونو له جګړې وروسته د جمعې تر سهاره دوام کړې ده.
دې جبهې په یوه اعلامیه کې ویلي چې ځواکونو یې د شپې په نښتو کې د طالبانو بریدونه دفع کړي او د دې ډلې تازهنفس ځواکونه یې اړ کړي چې شاتګ وکړي.
د جبهې د اعلامیې له مخې، طالبانو د بدخشان په سیمهییزه اداره کې د بدلونونو له هممهاله کېدو سره، له کابل څخه د جګړې سیمې ته تازه مرستندویه ځواکونه استولي وو.
جبهه آزادی ادعا کړې چې نښتې د سپکو او درنو وسلو په کارولو ترسره شوې او د طالبانو مواضع د دې جبهې له لوري په نښه شوي دي.
دې جبهې همداراز ویلي چې د طالبانو یو شمېر وژل شوي او ټپیان د زیباک او بهارک روغتیايي مرکزونو او همدارنګه د فیضآباد یوه روغتون ته انتقال شوي دي؛ خو د تلفاتو کره شمېر یې نه دی اعلان کړی.
جبهه آزادی ویلي چې د جګړو له پای ته رسېدو وروسته یې ځواکونه په تیارسۍ حالت کې دي او په سیمه کې د طالبانو فعالیتونه څاري.
طالبانو تر اوسه د دغو نښتو او د جبهه آزادی افغانستان د شاتګ او تلفاتو د ادعاوو په اړه رسمي څرګندونه نه ده کړې.
