د ایران قضایي قوې اعلان کړی چې دوه کسان د «موساد لپاره د جاسوسۍ» په تور اعدام شوي دي.
د دې ادارې په وینا، دغه کسان محمد معصوم شاهي او حامد ولیدي نومېدل او د محاربې، له اسرائیل سره د همکارۍ او د هېواد د امنیت پر ضد د فعالیتونو په تور محکوم شوي وو.
راپورونه وایي چې دوی په کرج او اصفهان ښارونو کې اوسېدل او ادعا کېږي چې له یوه جاسوسي شبکې سره تړلي وو.
قضایي چارواکو ویلي چې دغه کسان د انټرنېټ له لارې او د عراق د کردستان سیمې ته د سفرونو پر مهال له موساد سره اړیکه ټینګه کړې وه.
همداراز ادعا شوې چې دوی د چاودېدونکو موادو سره مخکې له دې چې کوم اقدام وکړي، نیول شوي وو.
په بل اړخ کې، د مجاهدینو سازمان ویلي چې دغه کسان د دې ډلې غړي وو.
تر اوسه د دې قضیې په اړه خپلواکې او بشپړې جزئیات نه دي خپاره شوي، او د محاکمې د بهیر په اړه هم وضاحت نشته.
