په هرات ولایت کې ځایي سرچینې وایي چې طالبانو یو شیعه مذهبي عالم نیولی دی.
د معلوماتو له مخې، دغه عالم «شیخ عظیمي» نومېږي او دا درېیم ځل دی چې نیول کېږي.
سرچینې زیاتوي چې د دې نیونې دقیق علت لا هم نه دی څرګند، خو هغه مخکې هم د مذهبي مراسمو د ترسره کولو له امله نیول شوی و.
دا پېښه په داسې حال کې شوې چې په همدې ولایت کې پر شیعه وګړو خونړی برید هم شوی و، چې په کې ګڼ شمېر ملکي خلک وژل شوي او ټپیان شوي دي.
د پېښو دا لړۍ د مذهبي اقلیتونو د امنیت او ازادۍ په اړه اندېښنې زیاتې کړې دي.
