یو ډیپلوماټیکې سرچینې په اسلامآباد کې الجزیرې ته ویلي چې پاکستان هڅه کوي د ایران او امریکا ترمنځ د مستقیمو خبرو زمینه برابره کړي.
د راپور له مخې، ټاکل شوې ده چې خبرې د دواړو لورو د پلاوو د مشرانو تر منځ د لاس ورکولو په وسیله پیل شي، یا یو پاکستانی چارواکی به د منځګړي په توګه د دواړو ترمنځ ودریږي.
د پلان له مخې، ایراني پلاوی به لومړی د پاکستان له صدراعظم شهباز شریف سره په اسلامآباد کې وګوري، او وروسته به امریکايي پلاوی خبرو ته داخل شي.
تمه ده چې دغه مذاکرات د افغانستان په وخت د مازدیګر په ۴ بجو پیل شي او تر ماښامه دوام وکړي.
سرچینه زیاتوي که پاکستان په دې هڅه کې بریالی شي، ښايي د اړیکو په ښه کېدو کې مهم پرمختګ وشي، خو که نه، نو خبرې به غیرمستقیمې پاتې شي او یوازې د یوې ورځې لپاره به دوام وکړي.
