د پاکستان په خیبرپښتونخوا ایالت کې د یوه ځانمرګي برید له امله لږ تر لږه اته پاکستاني پوځیان وژل شوي دي.
د راپورونو له مخې، دغه برید د پاکستان په شماللوېدیځ باجور سیمه کې، د افغانستان پولې ته نږدې، ترسره شوی دی.
ویل کېږي، ځانمرګي بریدګر د پاکستاني پوځیانو غونډه هدف ګرځولې وه.
پاکستاني امنیتي سرچینو تر اوسه د ټپیانو د شمېر او د بریدګر د هویت په اړه نور جزئیات نه دي خپاره کړي.
تحریک طالبان پاکستان د دغه برید مسؤولیت منلی دی.
باجور سیمه په وروستیو کلونو کې څو ځله د وسلهوالو بریدونو او مرګونو چاودنو شاهده پاتې شوې او د افغانستان او پاکستان ترمنځ د سرحدي ناامنو سیمو له ډلې شمېرل کېږي.
په خیبرپښتونخوا کې د بریدونو زیاتېدو د پاکستان د امنیتي وضعیت او په سرحدي سیمو کې د تندلارو ډلو د فعالیتونو په اړه اندېښنې ډېرې کړې دي.
اسلامآباد مخکې څو ځله ادعا کړې وه چې ځینې وسلهوالې ډلې د افغانستان له خاورې د پاکستان پر ضد فعالیت کوي؛ هغه ادعا چې طالبانو رد کړې ده.
