د راپورونو له مخې، د اسرائیل پوځ د سوریې د قنیطره ولایت په جنوبي سیمو کې نوې پوځي تحرکات ترسره کړي دي.
ویل کېږي چې اسرائیلي ځواکونه له څو نظامي وسایطو سره د «اصبح» کلي ته داخل شوي او د خلکو کورونه یې تلاشي کړي دي.
د راپورونو له مخې، دې عملیاتو د سیمې ملکي اوسېدونکو ترمنځ ویره خپره کړې ده.
همداراز، راپورونه ښيي چې اسرائیلي ځواکونه په دې سیمه کې د ځمکې کیندنې او پوځي فعالیتونو ته دوام ورکوي.
په وروستیو میاشتو کې د سوریې په جنوبي سیمو کې ورته پېښې زیاتې شوې دي، چې په کې د کورونو تلاشي، د خلکو نیول او د پوځي پوستو جوړول شامل دي.
د سوریې چارواکو تر اوسه رسمي غبرګون نه دی ښودلی، خو دمشق تل د اسرائیلي ځواکونو د وتلو غوښتنه کړې ده.
