په جوزجان ولایت کې ځایي سرچینې وایي چې ناپېژاندو وسلهوالو یو قومي مشر په ډزو وژلی دی.
د معلوماتو له مخې، وژل شوی کس غیبالله رئیس نومېده او د شبرغان ښار له مخورو قومي څېرو څخه و.
سرچینې وایي چې هغه نن سهار د لمانځه وروسته د شبرغان په «پیرمزید» سیمه کې تر برید لاندې راغی.
د راپورونو له مخې، برید کوونکي موټرسایکل سپاره وو او هغه یې په ډزو وواژه.
غیبالله نه یوازې قومي مشر بلکې یو محلي سوداګر هم و.
دا پېښه په داسې حال کې شوې چې په دې وروستیو کې په بېلابېلو ولایتونو کې ورته بریدونه زیات شوي او خلک د ناامنۍ له زیاتېدو شکایت کوي.
