د پاکستان د لومړي وزیر مرستیال او د بهرنیو چارو وزیر محمد اسحاق دار ویلي چې دا هېواد به په افغانستان کې د وسلوالو ډلو پر ضد خپلو عملیاتو ته دوام ورکړي.
هغه د «پاکستان ورځې» په مناسبت په پیغام کې ویلي چې دا اقدامات د سرحدونو پورې تړلو ګواښونو د مخنیوي او د پاکستان د امنیت د تأمین لپاره ترسره کېږي.
د دار په وینا، دا عملیات د پاکستان د پراخې امنیتي ستراتیژۍ برخه ده او ځواکونه به یې په دې لړ کې خپلو فعالیتونو ته دوام ورکړي.
دا څرګندونې په داسې حال کې کېږي چې د طالبانو او پاکستان ترمنځ په سرحدي سیمو کې لا هم کړکېچونه روان دي.