د ایران د بهرنیو چارو وزیر عباس عراقچي ویلي چې له امریکا سره د خبرو اترو موضوع نور د تهران د سیاست برخه نه ده.
هغه د یوې تلویزیوني مرکې پر مهال وویل چې ایران له امریکا سره د خبرو له پخوانیو تجربو څخه «ډېره تریخه تجربه» لري او په اوسنیو شرایطو کې دا لاره نه تعقیبوي.
عراقچي همدارنګه ادعا وکړه چې د امریکا او اسرائیل پلانونه ناکام شوي او دا هېوادونه اوس د نورو طرحو په اړه فکر کوي.
نوموړي امریکا او اسرائیل تورن کړل چې د ایران پر ملکي زیربناوو یې بریدونه کړي او ویې ویل چې د دغو پېښو اغېزې د نړۍ د نفتو په بیو کې هم لیدل شوې دي.
هغه زیاته کړه چې د توغندیو بریدونه دوام لري او ایران چمتو دی هر وخت چې اړتیا وي خپل توغندیز بریدونه ته دوام ورکړي.
