په سرپل کې د نجونو زده‌کړې محدودې شوېډېرې زده‌کوونکې له تعلیم پاتې دي

IMG 3389 1024x640

د سرپل ولایت یو شمېر اوسېدونکي وایي چې په دې ولایت کې د نجونو د زده‌کړې لاسرسی په پام وړ ډول محدود شوی او ډېری نجونې له تعلیم پاتې شوې دي.

د دوی په وینا، دغه محدودیتونه د کورنیو اندېښنې زیاتې کړې او د زده‌کړې چاپېریال هم له جدي ستونزو سره مخ دی.

اوسېدونکي د درسي امکاناتو له کمښت او د مناسب تعلیمي چاپېریال له نشتوالي شکایت کوي او وایي چې د اغېزمنې زده‌کړې لپاره لازم شرایط نه دي برابر.

سرچینې زیاتوي چې د نجونو تعلیمي اړتیاوو ته کافي پاملرنه نه کېږي او دا وضعیت د زده‌کړې کیفیت ته زیان رسولی دی.

اوسېدونکو له طالبانو غوښتنه کړې چې دې ستونزې ته رسېدنه وکړي او د نجونو لپاره د زده‌کړې زمینه برابره کړي.

طالبانو له ۱۴۰۰ کال راهیسې د شپږم ټولګي پورته د نجونو زده‌کړه منع کړې او پوهنتونونه یې هم پر ښځو تړلي دي، چې دا وضعیت د افغانستان پر راتلونکي ژور اغېز لري.

Exit mobile version