د افغانستان لپاره د اروپايي اتحادیې استازولۍ د نوروز په مناسبت په یو پیغام کې د افغان نجونو د بېرته ښوونځیو ته د ستنېدو غوښتنه کړې ده.
په دې پیغام کې راغلي: «موږ د هغې ورځې په تمه یو چې هره نجلۍ وکولای شي بېرته خپل ټولګي ته ستنه شي.»
اروپايي اتحادیې همدارنګه هیله څرګنده کړې چې نوی کال به د افغانستان د خلکو لپاره له سولې او هوساینې سره مل وي.
دا په داسې حال کې ده چې د نوي تعلیمي کال له پیل سره سره نجونې او ښځې لا هم له زدهکړې، کار او ټولنیز ګډون څخه محرومې دي.
د یونیسف د شمېرو له مخې، شاوخوا څلور میلیونه ماشومان په افغانستان کې له زدهکړې بېبرخې دي.
سره له دې چې نړیوال فشارونه زیات شوي، طالبانو تر اوسه د نجونو پر مخ د ښوونځیو او پوهنتونونو د پرانیستلو څخه ډډه کړې او دا محدودیتونه د «شریعت او کلتور» له مخې توجیه کوي.
په همدې حال کې د ملګرو ملتونو د ښځو ادارې مخکې ویلي وو چې ۹۲ سلنه افغانان د نجونو د زدهکړې ملاتړ کوي.
