د بحرین چارواکو ویلي چې په دې هېواد کې د اوبو رسونه د ایران له برید وروسته هم عادي ډول روانه ده.
د راپورونو له مخې، دا برید د یکشنبې په ورځ د اوبو د مالګې پاکولو پر یوې تأسیساتو شوی، خو د اوبو رسونې بهیر نه دی ګډوډ کړی.
د بحرین د برېښنا او اوبو ادارې په یوه خبرپاڼه کې ویلي چې پر یادې تأسیساتو برید د هېواد د اوبو د شبکې پر ظرفیت یا د اوبو پر رسونې هېڅ اغېز نه دی کړی.
په خلیجي هېوادونو کې د سمندر د اوبو د خوږولو تأسیسات ډېر مهم بلل کېږي، ځکه د څښاک د اوبو لویه برخه له همدې لارې برابریږي او بحرین هم د خپل ښاري اوبو ډېره برخه له همدې سیستم څخه ترلاسه کوي.
